| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 3.397 | Joseph. BJ 3.404 (English) | >>Joseph. BJ 3.411 |
3.401Νέρωνί με πέμπεις · τί γάρ ; οἱ μετὰ Νέρωνα μέχρι σοῦ διάδοχοι μενοῦσιν . σὺ Καῖσαρ , Οὐεσπασιανέ , καὶ αὐτοκράτωρ , σὺ καὶ παῖς ὁ σὸς οὗτος .
3.402δέσμει δέ με νῦν ἀσφαλέστερον , καὶ τήρει σεαυτῷ · δεσπότης μὲν γὰρ οὐ μόνον ἐμοῦ σὺ Καῖσαρ , ἀλλὰ καὶ γῆς καὶ θαλάττης καὶ παντὸς ἀνθρώπων γένους , ἐγὼ δὲ ἐπὶ τιμωρίαν δέομαι φρουρᾶς μείζονος ,
3.403εἰ κατασχεδιάζω καὶ θεοῦ .” ταῦτʼ εἰπόντος παραχρῆμα μὲν Οὐεσπασιανὸς ἀπιστεῖν ἐδόκει καὶ τὸν Ἰώσηπον ὑπελάμβανεν ταῦτα περὶ σωτηρίας πανουργεῖν ,
3.404κατὰ μικρὸν δὲ εἰς πίστιν ὑπήγετο τοῦ θεοῦ διεγείροντος αὐτὸν εἰς τὴν ἡγεμονίαν ἤδη καὶ τὰ σκῆπτρα διʼ ἑτέρων σημείων προδεικνύντος .
3.405ἀτρεκῆ δὲ τὸν Ἰώσηπον καὶ ἐν ἄλλοις κατελάμβανεν · τῶν γὰρ τοῖς ἀπορρήτοις παρατυχόντων φίλων ὁ ἕτερος θαυμάζειν ἔφη πῶς οὔτε τοῖς ἐπὶ τῶν Ἰωταπάτων περὶ ἁλώσεως , οὔθʼ ἑαυτῷ προμαντεύσαιτο αἰχμαλωσίαν , εἰ μὴ ταῦτα λῆρος εἴη διακρουομένου τὰς ἐπʼ αὐτὸν
-- ὁ δὲ Ἰώσηπος καὶ τοῖς Ἰωταπατηνοῖς ὅτι μετὰ τεσσαρακοστὴν ἑβδόμην ἡμέραν ἁλώσονται προειπεῖν ἔφη , καὶ ὅτι πρὸς Ῥωμαίων αὐτὸς ζωγρηθήσεται .
3.407ταῦτα παρὰ τῶν αἰχμαλώτων κατʼ ἰδίαν ὁ Οὐεσπασιανὸς ἐκπυθόμενος ὡς εὕρισκεν ἀληθῆ , οὕτω πιστεύειν περὶ τῶν κατʼ αὐτὸν ἦρκτο .
3.408φρουρᾶς μὲν οὖν καὶ δεσμῶν οὐκ ἀνίει τὸν Ἰώσηπον , ἐδωρεῖτο δʼ ἐσθῆτι καὶ τοῖς ἄλλοις κειμηλίοις φιλοφρονούμενός τε καὶ περιέπων διετέλει τὰ πολλὰ Τίτου τῇ τιμῇ συνεργοῦντος .
| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 3.397 | Joseph. BJ 3.404 (English) | >>Joseph. BJ 3.411 |
